منتدى اخبارى عام متخصص فى شتى المجالات كذلك نشر كل مايخص جمعية الاعلاميين المصريه
 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 يوميات طالب ثانوي

اذهب الى الأسفل 
كاتب الموضوعرسالة
محمد سعد
اعلامى جديد
اعلامى جديد
avatar

عدد المساهمات : 21
تاريخ التسجيل : 09/04/2011
العمر : 23
المزاج : رايق
القوس

مُساهمةموضوع: يوميات طالب ثانوي   الإثنين أبريل 11, 2011 5:22 pm


و أنا أؤمن تماما إن اللى الإنسان بيجربه بنفسه عمره ما بينساه


وبيفضل فاكره طول عمره خاصه لما تبئا مواقف صعبه


إما حيجتازها بنجاح و يحمد ربنا على مساندته ليه


وإما حيخفق فيها و حيعرف ازاى يتفادى الخطآ ده لو اتعرض للموقف ده تانى



بس للاسف مش كل المواقف اللى بنمر بيها حنتعرض لها اكتر من مره فى حياتنا


أحيانا بيكون الخيار مصيرى


وفى الحالات دى تبادل الخبرات بيكون افضل شىء


وانك تتعلم من أخطاء وقع فيها غيرك


ده شىء لابد منه


وبردو تشوف القرارات و الأفعال الصحيحه و تحاول تتصرف ع شاكله اقرب الى الصواب




كتير من اللى داخل ثانوى او بالفعل فى ثانوى بيسال كتير


ومحتاج النصيحه و محتاج اللى حواليه يطمنوه


بدل حلقات مسلسل الرعب و التوتر اللى بيسمعها فى البيت و فى كل مكان



عشان كده حابب انى اكون معاكو هنا


فى يوميات طالب ثانوى


حنشوف اكتر المشاكل اللى بتواجه طلبه الثانوى


حنستعرض شويه مواقف مع الأنواع الشائعه لطلبه ثانوى


يمكن ما عشتش جميع الادوار دى بس كانت قدامى فححاول انقل الوضع على حسب تصورى ليه


مش القصد م الموضوع ده استعراض الموقف بس


ولكن لازم يكون كل يوميه او كل موقف او مجموعه مواقف نناقشها مع بعض


عشان نستفيد



وربنا يوفق الجميع لما يحببه و يرضاه



و اليوميات بإذن الله احتمال تكون واحده كل اسبوع او حسب الظروف عشان ضغط الدراسه بس



عدل سابقا من قبل محمد سعد في الإثنين أبريل 11, 2011 5:28 pm عدل 1 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
محمد سعد
اعلامى جديد
اعلامى جديد
avatar

عدد المساهمات : 21
تاريخ التسجيل : 09/04/2011
العمر : 23
المزاج : رايق
القوس

مُساهمةموضوع: رد: يوميات طالب ثانوي   الإثنين أبريل 11, 2011 5:24 pm

يومياتنا بتتكلم عن مجموعه من الشباب و البنات
و طبعا شله الشباب منفصله تماما عن شله البنات
و الشباب هم::
أحمد
عمرو
رامى
وليد
و الأربعه أصدقاء و علاقتهم ببعض قويه جدااااا

البنات هم::
بسمه
نورهان
سمر
ايمان
و الأربعه علاقتهم ببعض كويسه جدا مع بعض و أهاليهم يعرفوا بعض كويس و من نوعيه البنات الملتزمه أخلاقيا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
محمد سعد
اعلامى جديد
اعلامى جديد
avatar

عدد المساهمات : 21
تاريخ التسجيل : 09/04/2011
العمر : 23
المزاج : رايق
القوس

مُساهمةموضوع: رد: يوميات طالب ثانوي   الإثنين أبريل 11, 2011 5:35 pm

أما عن أول يوميه فتخص شله الشباب

احمد و عمرو و وليد و رامى قرروا انهم حيتجمعوا عند أحمد الساعه 6 و يروحوا
يحجزوا دروسهم مع بعض و الإتفاق كان كله حماااس رهييييييييب منهم السنه
جديده و كل واحد عنده استعداد فوق العادى للسنادى بالذات و ان كانوا مش
كلهم فى نفس المستوى الدراسى و لكن لا مانع من الطموح العااالى أووووى،،،

راااااااااامى ........يا رااااااااااااااااامى


والده رامى::أيوه يا وليد ازيك...عاوز رامى؟

وليد::الحمد لله يا طنط تمام .. ابيوه عاوزه ياريت يا طنط تقوليله ينزل بسرعه عشان مانتأخرش

والده رامى::حاااااضر...

ينزل رامى درجات السلم بسرعه رهيبه على غير عادته –لان وليد متعود انه لازم
يستناه ما لا يقل عن عشر دقايق على ما يدور على الملزمه و يجيب القلم و
يدور على الواجب و هكذا-

وليد::مش ممكن يابنى تتحسد والله ايه الإنجاز ده!

رامى:يلا يا عم عشان ماتقولش انى حارمك من حاجه بس....بس اوعى تتعود على كده ^_*

و بدأ رامى و وليد مسلسل التهييس المعتاد حتى منزل عمرو اللى دايما بيكون
مستنييهم فى الميعاد تمااااام-فالمعروف عن عمرو التزامه الشديد فى
المواعيد-

سلموا على بعض و كلموا مسلسل التهييس طبعا حتى منزل أحمد و دايما بيكون فى
فاصل اعلانى عند احمد و يكملوا مسلسل التهييس بردوا لغايه ما يوصلوا المكان
اللى رايحينه أياً كان..

تك تك تك .....((صوت الباب))

والده أحمد::حااااضر

تفتح الباب لتجدد ابطال المسلسل الثلاثه

والده احمد::اهلا يا شباب...ادخلوا ادخلوا زى مانتو عارفين فى الأوضه مستنيكو جوا

اوكيهات يا طنط ....

((يفتح رامى باب الأوضه على احمد من غير استئذان عااادى هما واخدين ع بعض اووووى))

رامى:::بااااشاااا

أحمد::اهلا يا رجاله..غريبه جايين بدرى عن ما كنت حاسب لكو يعنى !

وليد::ماهو رامى يتحسد يابنى نزل فى ثوانى بس بيقولك ماتاخدش ع كده ^_^

احمد::المهم يا جماعه عاوزين نتكلم جد شويه..عمرو ياريت تقفل الباب عشان صوتنا و الجماعه برا 

عمرو::مااااشى خليك انت زى قلتك هنا كده :p

احمد::طول عمرك لمض Very Happy المهم ايه النظام بئا السنادى..ناويين ع ايه يا رجاله؟

وليد:كل خير ان شاء الله

احمد:لا بتكلم جد...كل واحد ناووى يدخل ايه علمى ولا
ادبى و حتاخدوا دروسكوا فين عشان نظبط مذاكرتنا و مواعيدنا عشان ماحدش يقصر
فى المذاكره يبئا نحاسب بعض و نشوف ايه نظامنا...هاااااااا؟؟

رامى: جرا ايه يا عم احمد براحه علينا شويه ايه الكلام الكبير ده دى ثانويه عامه يعنى لعب عيال Very Happy
عن نفسى يعنى انا داخل ادبى يا عم انا مابحبش الفزيا و الكيميا و التعقيد
ده و انتوا عارفين انى مش حروح معاكو رياضه عند ((ص)) أنا مستريح عند ((س))
من السنه اللى فاتت..

وليد: (س) مين بس يا عم هو ده بيعرف حاجه ماتيجى عند (ص) الناس كلها بتشكر فيه

رامى:: لا يا عم انا مستريح معاه

عمرو: سيبه على راحته يا رامى و بعدين الأيام بيننا يا وليد حيجيلك يوم و تيجى لـ (ص) :p

رامى:يا سبحان الله مانتو كنتوا عنده السنه اللى فاتت و جبتو درجات كويسه !!

عمرو: يا بنى سيبك من اولى دى ماهو كلو بيعدى فيها ركز فى ثانيه و انا شايف انو ماينفعش فى ثانيه خالص!!

أحمد: جرا ايه يا جماعه كل واحد حر سيبوه على راحته هو
مستريح معاه و دى حاجه كويسه جدا حد يطول يلاقى مدرس يستريح معاه و يتأقلم
على نظامه!

رامى:قولهم يابنى

عمرو: و لما انت كنت مرتاح معاه يا احمد سيبته ليه؟

احمد: مانتو عارفين ان عقدتى الرياضه و مش بعرف ارتاح مع حد فيها ربنا يستر بئا انتو مسكتونى من ايدى اللى بتوجعنى
المهم كملوا و كل واحد مدام مقتنع بحاجه يخليه عليها و ربنا معانا كلنا

ااااااااااااامين(الثلاثه فى نفس واااحد)

احمد::يلا الدور عليك يا عمرو

عمرو:: أنا عن نفسى أنا ناوى على علمى رياضه ان شاء الله انتو عارفين انا اقصى طموحى هندسه و اللى فيه الخير يقدموا ربنا

وليد: انا بئا اللى مش عارف ...فكرت كتير فى الموضوع ده
بس ناوى علمى ان شاء الله و لو ما نفعتش الأدبى موجود و ابئا مسكت العصايه
من النص

عمرو:: وايه لازمتها الحيره دى ماتدخل ادبى م الأول و توفر على نفسك وجع الدماغ

وليد: يا سيدى انا عاوز ابئا شفت الموضوع من كل جوانبه مش عاوز اضيع لنفسى اى فرصه

عمرو: بس درجاتك مهياش حلوه اوى يعنى فى المواد العلميه عشان تدخل علمى

وليد: ايه الإحباط ده يا عم عمرو ما قلنا حجرب نفسى هو مفيش غيرك اللى بيدخل علمى!

عمرو: يابنى مش قصدى بس انا كنت عاوزك تركز فى حاجه واحده و تقصر على نفسك السكه و عامه ربنا يوفقنا للى فيه الخير

احمد: انا مش عارف انتو ليه واقفين
لكل واحد على الواحده! يعنى هما حيضربوه على ايده لو قالهم انا عاوز احول و
بعدين وليد بيتكلم كلام زى الفل هو واحد مهواش عارف يحدد بالظبط فيها ايه
لما يجرب نفسه و لو لا قدر الله ماجاتش معاه تمام يحول

رامى::ماشى يا جماعه احنا كده تمام ..حتنزلوا بئا ولا ايه الساعه بقت 7 وربع!

وليد: ايوه يلا عشان نلحق نلعب لنا شويه اما نخلص احسن الواحد الأجازه مخلصه عليه و مش ملاحق على اللعب Very Happy

أحمد: ماشى يا لمضين يلاااااااا اطلعوا براااااااااااااا هههههههه

عمرو:: بئا كده مااااااااشى و انت اول واحد حتطلع

احمد:ماما احنا نازلين عاوزه حاجه؟؟

والده احمد: لا شكرا يا احمد فى رعايه الله يا ولاد

احمد: طيب سلامو عليكو

نزلوا و كملوا مسلسل التهييس بعد الفااااصل الطويييل اوى ده
و فجاه.....صوت عمرو مقاطعا لمسلسل التهييس بصوا هناك بسرررررررررررعه...
و نكمل المره الجايه إن شاء الله
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
محمد سعد
اعلامى جديد
اعلامى جديد
avatar

عدد المساهمات : 21
تاريخ التسجيل : 09/04/2011
العمر : 23
المزاج : رايق
القوس

مُساهمةموضوع: رد: يوميات طالب ثانوي   الثلاثاء أبريل 12, 2011 6:50 pm


كلهم بصوا فى الإتجاه اللى بيشاور عليه عمرو و كان أمام مكان درس العربى و بعدها بصوا لبعض و اتفتحوا فى الضحك كل دى بنااااااااات !!



احمد: ماهم على طول سادين نفسنا كده و يفضلوا يدحوا 24 ساعه فى الــ 24 ساعه حتى حجز الدروس اعوووذ بالله!



وليد:عندك حق يابنى والله و تحس ان طلبه الثانوى
كلهم بنات حتى لوحات الشرف بتبئا معظم اللى فيها بنات بس معما يعملوا لو
بصيت فى اى مكان حتلاقى كله رجاله

تلاقى الدكاتره رجاله و المهندسين رجاله و المدرسين رجاله و المحاميين رجاله و الصحفيين رجاله والبقالين رجاله و كله رجاله Very Happy


تحس ان البنات بينقرضوا من كتر الدح Very Happy



رامى: مش عارف والله موضوع غريب فعلا بس بتلاقى
البنات يا اما سكرتاريه يا اما بااائعااات فى المحلات اهو يعنى تلاقيهم فى
الشغل الخفيف ده لازمته ايه الدح بئا ما يسبوا الدح لناسه Very Happy والله
بيتعبوا نفسهم ع الفاضى!



و طبعا كانوا وصلوا مكان الدرس فاقتحموا صفوف البنات لغايه مادخلوا تقولشى واقفين فى طابور عيش!!



وليد: ايوووووووه هى الشله دى ورانا ورانا!!





عمرو: اهو مش لسه بنجيب فى سيرتهم أهى شله الدح وصلت اهى



رامى: مش دى نورهان اللى اسمها فى لوحات الشرف اللى كانت مطلعه عيننا م الإبتدائى دى ..البنت دى فظييييعه



احمد: يا عم قول ما شاء الله



رامى: كل ده عشان جارتك يعنى ياعم الله يسهلوا ^_*



احمد: طول عمرك نيتك زباله اعوذ بالله



رامى: عليا بردو! يا عم الله يسهل لك بئا ما تشتغلناش





احمد: مش رادد عليك Razz



فى إحدى الجوانب تقف بسمه و نورهان و ايمان و سمر



بسمه:نورهان مش ده الواد جارك و اصحابه اللى واجعين دماغنا طول النهار بينادوا على بعض و مابنعرفش نذاكر منهم!



نورهان: ههههههه ايوه هما ماتبصيش بئا احسن يفكروا اننا معجبين ولا حاجه Very Happy


بسمه: هما اصلا مركزين معانا من ساعه مادخلوا خاصه احمد ده عينه عليكى فى حاجه ولا ايه ^_^



نورهان:حاجه ايه يا بسمه ما تروقى



بسمه: يعنى جيران و عينه مانزلتش من عليكى من ساعه مادخل هو وصاحبه ابو زيتى ده


نورهان: بس يا حبيبتى الله يهديكى بس يا ماما و
بعدين احمد ده بقاله 16 سنه ساكن قدامنا عمره ما بص ناحيتنا و هو واقف فى
البلكونه ولا فى الشارع حتى و من الشباب المحترم يعنى تقوليلى مركز و بتاع!



بسمه: ماشى يا ستى انا غلطانه ادينى سكت اهو ..بس بردو مركز معانا





نورهان: هههههههههه بردو!!



سمر: يا روقانكوا بترغوا و تضحكوا كمان!!


[b]
نورهان: هههههههههه طاب يلا من هنا و بعدين نتخانق



سمر: طيب احنا خلصنا اصلا يلا بئا م الزحمه دى لسه قدامنا شووط طوييييل



نورهان: طيب كويس قبل ماقتل بسمه وارتكب جريمه Very Happy



سمر: ليه ايه اللى حصل مانتوا كنتوا شغالين ضحك !



نورهان: احممممم ما عليناااا يلا بينا من هنا بئا



سمر: طيب Very Happy



و مشوا م الدرس و راحو حجزوا باقى المواد وروحوا..



نرجع لشله الشباب

على جانب واقفين لغايه ما جالهم الفرج و زحمه البنات خفت شويه حجزوا و راحوا كملوا باقى حجز المواد و ع البلاى ستيشان ع طووووول


اول مادخلوا لقوا الشباب كلهم هناك ...



وليد:سبحاااااان الله شوف يا اخى البنات بتعمل ايه و
الشباب بيعملوا ايه والله البنات دول فاضيين حيعملوا ايه بحجز الدروس
يعنى! الشباب دول زى الفل


يلا بئا مش عاوزين نضيع وقت شوفوا لنا جهاز فاضى



و بدا مسلسل تهييس و تتعالى الصيحات و الأهداف تتوالى و يقاطع ذلك الجو الحماسى الرهيب رنات هاتف احمد....



و نكمل المره الجايه ان شاء الله ^_^

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
محمد سعد
اعلامى جديد
اعلامى جديد
avatar

عدد المساهمات : 21
تاريخ التسجيل : 09/04/2011
العمر : 23
المزاج : رايق
القوس

مُساهمةموضوع: رد: يوميات طالب ثانوي   الجمعة أبريل 15, 2011 2:29 pm


ألوووو...حااضر...طيب...جاى خلاص ربعايه و حكون فى البيت ان شاء الله...مع السلامه.


أحمد:شباب انا ماشى بئا عشان عاوزيننى فى البيت

وليد:ايه يابنى داحنا لسه جايين مالحقناش

احمد:لا تمام كده عشان بابا قالى ماتاخرش

وليد:هو انت صغير يابنى عادى استنى شويه مش حيحصل حاجه يعنى

احمد:خلاص بئا يا لول البوب قالى تعالى بسرعه

وليد:يابنى وانا قلت لك بات برا ....بقولك ساعه كده و نروحوا مع بعض هو احنا يعنى اللى ملناش اهل يسالوا علينا

رامى:انت بالذات يا وليد تسكت دانت ابوك لو طال يرميك برا البيت مش حيتأخر Very Happy

وليد:لا والله!
يلا يا احمد اقعد نكملوا و بعدين مش حنتاخر يعنى

احمد:لا يا رجاله سلام و اتمنالكو وقت ظريف^_^

عمرو: ماشى يا احمد مع السلامه مع اننا لسه فى الأجازه يعنى!

احمد:معلش بئا تتعوض مره تانيه....يلا سلام

و يسلك
احمد طريق العوده الى المنزل بمفرده ....يصل المنزل ليجد محمدابن خالته فى
انتظاره و كانت مفاجئه بالنسبه له-محمد يعمل طبيباً باحدى الدول العربيه-

بعد السلامات و التحيات و الكلام ده يعنى^_^

احمد:انت جيت امتى كده

محمد:لسه انهارده الصبح

احمد:من غير ما تقولى !

محمد:انا قلت اعملهالكو مفاجأه

احمد:حمدا لله على سلامتك نورت مصر والله...قولى بئا ايه اخبار الشغل معاك و اوضاع الحياه

محمد:الحمد لله ماشى الحال

احمد:يعنى هنا احلى ولا برا...اكيد برا يعنى Very Happy

محمد:والله
يا احمد الوضع هنا مهما كان فاكيد كويس ع الأقل انت وسط اهلك و اصحابك مش
الغربه و طباع الناس بئا و بتبئا بردو مش عارف تتاقلم بسهوله


احمد:سيبك م الغربه فى فرص عمل احسن اكيد و اكيد بردو العائد المادى عالى و الواحد يبئا عايش مستريح ولا ايه

محمد:مش
شرط مش كل وظيفه زى الثانيه و عشان تكون فى مكان كويس سوا برا او جوا
فلازم تكون مميز ، و مميز مش يعنى كليه عاليه سيبك م الكلام ده مميز يعنى
تكون غير اى حد زيك..بدءا من مذاكرتك فى الثانوى و الكليه اللى تدخلها بعد
كده..تقديرك فى الكليه..و بعد كده يبدأ التميز الحقيقى الكليه مش حتديك كل
حاجه انت بئا تدور و تشوف ايه اللى بتحبه و تتعمق فيه...عامه ماتشغلش بالك
بالموضوع ده دلوقتى

اهم حاجه عاوزك تركز فى مذاكرتك...وانت ما شاء الله عليك دحييييييح يعنى خايف من ايه ^_^

احمد:دحيح
ايه بس والله الواحد قلقان ثانويه عامه بئا و الفيلم الهندى اللى معمول
لها ده الواحد كل ما يفكر فى الموضوع يخاف اكتر ...ربنا يستر


محمد:
ان شاء الله خير و بعدين هما سنتين زى أى سنتين بس كل الفرق انك محتاج
تركز عشان الكليه اللى حتدخلها اللى هى مجال عملك بعد كده مرتكزه على
السنتين دول بس صدقنى مهماش اصعب سنتين فى عمرك ولا حاجه بس الحكايه كلها
انها فى فتره عمريه فيها وجع دماغ كتير


احمد:مش فاهمك ..قصدك ايه بوجع دماغ كتير؟!

محمد:
مانت عارف اللى بيحصل يا عم احمد...سيجاره يابنى....هى السيجاره دى اللى
مزعلاك ..مش عارف تشربها يعنى...و يا اما عشان يحسسك انك راجل يا اما عشان
تعجب البنات اللى بئوا دلوقتى بيستحقروا اللى بيشربها اصلا!

و تعالى لموال معاكسه البنات
و اللف فى الشوارع و التأخير برا البيت بدون داعى
و انت عارف اكتر منى بئا ما شاء الله كل جيل وسائل الإنحراف فيه اكتر م اللى قبله و التليفزيون ما خلاش بصراحه مظبطكوا ع الآآآخر!!

احمد: ع رايك والله الوضع بئا مستفز جدا ربنا يهدينا جميعا

محمد:اللهم آمين..بدات دروس ولا لسه؟

احمد:يعنى خلاص كلها كام يوم و حنبدا مستعجل ع الهم ليه؟!

محمد:ههههههه لا مفيش هم ان شاء الله ركز بس انت و خليها على الله

احمد:ان شاء الله

تمضى باقى ايام الإسبوع ما بين الفسح و الخروجات و المكوث لساعات امام البلاى ستيشان ...
قبل آذان الجمعه بنصف ساعه يستيقظ احمد من النوم و يجهز نفسه و ينزل مع والده لآداء الصلاه
و بعد الصلاه فطار سريع و كام ماتش كوره ع السريع بردو ثم بلاى ستيشان و شويه لف فى الشوارع ماهو انهارده آخر يوم أجازه بئا !
و فى آخر اليوم اتفق احمد وشلته ع الميعاد اللى حيتقابلوا فيه بكره اول يوم دروس بئا و كل سنه وانتو طيبين...
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
يوميات طالب ثانوي
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات جمعية الاعلاميين المصريه  :: الحوار المفتوح :: فضفضه-
انتقل الى: